Витаминлар ҳақида нима биласиз? Ҳозирги вақтда витаминлар фойдали эканлигини барча билади. Лекин қайси витамин нимага хизмат қилишини-чи?

А витамини кўриш қобилятини оширади, организмни жисмоний фоалиятини кўтаради. Айрим ҳайвонларнинг жигарлари, балиқ, ҳаттоки тухумлар А витаминига бой. Сут ва сарёғда ҳам учрайди. Айрим ўсимликларда каротин моддаси А витаминига айланади. Каротин моддаси сабзавотлар ёғ билан бирга истеъмол қилинганда организмга сўрилади

Витамин С (аскорбин кислотаси) организмни шамоллашдан қайтаради. Тиш, суяк, мушакларни мустаҳкамлигини оширади. Карам, пиёз, қизил қалампир, бақлажон, картошка, шавел, смородина, наматак, цитрусли ўсимликлари С витаминига бой.

Витамин Д организмнинг, айниқса тиш ва суякларнинг текис ўсиши учун зарур. Витамин Д калций ва фосфорнинг қонга сўрилишига ёрдам беради. Бу витамин организмда етишмаса, рахит касаллиги пайдо бўлади. Бунда суяклар мўрт ва қийшиқ, тишлар нотекис, мушаклар ҳамда бўғимлар заиф бўлади. Витамин Д га қуёш нурларида тўйиниш мумкин. Витамин Д балиқ гўштида, сарёғ, уй тухуми ва янги кўкатларда кўп.

Витамин Е барча ёшдаги инсонлар учун касалликларга қарши кураш қобилияти бўлиб хизмат қилади. Организмдан кераксиз моддаларни чиқиб кетишини таъминлайди. У янги ўсимликлар таркибида учрайди ҳамда касаллика қарши курашишда фойдаланилади.

Витамин В организм учун муҳим рол ўйнайди. У организмни стреслардан, ҳар хил касалликлардан, жароҳатлардан ҳимоя қилади. Витамин В етишмаслиги организмга салбий таъсир қилиши мумкин.